Ang mga sumusunod na kwento ay likhang-isip lamang. Sadyang ginawa para aliwin ang mga loveless na tulad ko, pero pwede rin para sa mga bitter o sa sinumang nagbabalak makipag-break sa kasalukuyang karelasyon!

MGA TAUHAN:

Miyo:              Sugo ni Apong Lakay sa sanlibutan na may misyong sagipin ang mga kabataang naliligaw ng landas. S'yempre siya ang bida sa ating kwento. Kung hindi mo pa s'ya kilala o ang sinuman sa kanyang mga kauri, malamang eh matagal-tagal ng napapariwara ang buhay mo. Peace tayo!

Zaido:              Sila ang grupo ng mga pulis-pangkalawakan. Matataas ang lipad. Minsan na rin silang sumanib sa pangkat ni Miyo subalit umalis din dahil napaglipasan ng panahon. Ngayon, kabilang na sila sa matataas at makapangyarihang uri. Hindi sila ganap na kakampi pero hindi rin naman maituturing na mga kaaway. Hindi ko lang alam kong kaano-ano nila si Volta!

Palos:              Mabilis! Mula sila sa madidilim na taon sa kasaysayan ng angkan ng ating bida. Wala ako masyadong masabi sa kanila. Tingnan na lang natin kung ano ang naging bahagi nila sa kwento at kung paano nila hinugis ang kapalaran ni Miyo.

Pedro Penduko: Kapatid niya sina Padre at Petra Penduko. Makapangyarihan silang tatlo sa kani-kanilang mga kaharian. Ang isa ay matatagpuan sa hilagang bahagi ng globo samantalang ang isa naman ay nasa lugar kung saan maraming lumilipad na ligaw na bala. Si Pedro? Ayun at pakalat-kalat lang, maaaari mo siyang makasakay sa dyip patungong Baclaran!Hekhek

Kung Fu Kids: Sila ang mga maliliksi at matatalinong mga bata na sumusunod sa yapak ni Miyo. Bukas ang isipan sa maraming bagay at sa lahat ng nangyayari sa paligid sa kabila ng murang edad. Dapat silang ingatan dahil kung hindi, baka malinlang sila ng mga tuso!

Marimar:        Simbolo siya ng henerasyon ng mga bakla! Kung bakit ganun ang amoy niya? Mas mabuti pa sigurong pag-aralan mo ang alamat ng dagat!

Chelsea:         Nyahaha! Isa siyang manikang nagpapanggap na maamo pero siya ang talagang dapat katakutan. It is like a vulture waiting for the right opportunity to grab power. Mabuti pa si Kokey!

Imong:            Ano pa nga ba't isang tapat na katiwala doon sa simbahan?! Asawa niya si Imang na isang kampanerang kuba din. They are humble gatekeepers who do not have any other interest but to protect the candle that brings light from the culprits. Dahil sa dami ng ginagawa nilang mag-asawa, hindi nakapagtatakang kasingbigat ng bukol nila sa likod ang mga tungkulin na kanilang pinapasan. (Tanong ko lang, paano nga ba sila matulog maliban sa nakapikit ang mata?)

Toink, toink, toink!

UNANG TAGPO:

SA ISANG DIGMAAN…Palos (sinusubok itakas ang isang supot ng kayamanan kasama ang kanyang mga alipores)

                        Mio:      Hoy Palos! Bitawan mo iyan kung ayaw mo masaktan at matikman ang lufet ng aking tsuktsaknes!

                        Palos:    (Magyayaya ng jak 'en poy. Hindi matitinag. Nakapagtatakang makakatakas…)

                        Mio:      (Sisigaw). Ibalik mo 'yan, maawa ka please. Maawa ka!!!!!!!

Pero wala siyang magagawa para pigilan ang maitim na balak ni Palos at ng kanyang mga kampon.

IKALAWANG TAGPO:

SA PRESINTO…

Zaido:      Hindi natin ito dapat palampasin! Kailangan nating panagutin ang mga salarin. Nakaabot na ang balita sa diyosang nagbibigay ng kayamanan. Kung hindi natin maibabalik iyon, baka tuluyan nila tayong itakwil sa kaharian at itigil nila ang pagbibigay ng mga pagpapala.

Pedro Penduko: (Lilitaw ang isang ulap sa isip na may katagang: "mas maganda pa nga yatang itakwil nila tayo para mapadali ang paghiwalay natin sa kanila. Panahon na rin upang tumayo tayo sa ating mga paa! Masarap magkaroon ng oto, noh?)

Imong:    (Sasampitaw). Bakit hindi na lang natin sila patawarin? Ipaubaya na natin sa kanila ang kayamanang iyon. Tutal, 'yan naman ang itinuro ni Apong Lakay, ang magpatawad sa mga nagkakasala tulad ng kanyang pagpapatawad sa atin!"

Susundan ng walang katapusang diskusyon at imbestigasyon hinggil sa nangyaring krimen. Pero wala ring mangyayari. Mababaon na lamang sa limot ang ginawang pagtangay ni Palos sa yaman ng kaharian.

Matapos ang mahabang taon, maisasaayos din ni Mio ang lahat. Tila mababaon na sa limot ang mga nangyari. Unti-unti ding babalik ang tiwala ng diyosa sa buong kaharian at muli silang pagpapalain.

IKATLONG TAGPO

SA ISANG PAGPUPULONG NG IBA'T IBANG KONSEHO NG KAHARIAN… Nagtatalo ang buong kapulungan hinggil sa mga programa at pagbabagong iminumungkahing ipatupad ni Miyo at ng Kung Fu Kids.

Chelsea: Hihihihi…. Hindi dapat payagan ang mga iminumungkahi ni Miyo. Taliwas ito sa mga batas ng ating kaharian. Hindi tayo dapat pasakop sa kanila. Ang mga kabataang tulad nila ay dapat sumunod lang sa utos ng matatanda. Kung hindi, baka tuluyang…. (puputulin ni Miyo ang kanyang pagsasalita)

Miyo:     Huwag ninyong pangunahan ang aming kapatiran. Hindi kami papayag na yurakan ninyo ang aming mga karapatan!

Kung Fu Kids: (Magbubulungan sa isang sulok. Sabay-sabay sila) Oo nga! Oo nga!

Zaido:     Bakit hindi natin sila hayaang gawin ang kanilang gusto? Ipinapahayag ng buong kapulisan ang buong suporta namin sa kanila! Miyo, narito kami para tulungan kayo. Layunin ng aming konseho na makipag-isa sa inyo sa pagpapatupad ng inyong mga programa.

Kung Fu Kid: Sa palagay ko, hindi namin kailangan ang inyong konseho. Mayroon kaming sariling pananagutan at nalalaman namin kung ano ang higit na makabubuti para sa amin. Kaya nga layunin naming baguhin ang aming mga batas upang pagandahin ang aming samahan kung hindi man baguhin ang pagkakamali ng aming mga ninuno.

Sa gitna na mainit na tensyon sa pagitan ng mga panig ay biglang lilitaw sa gitna si Marimar. Gigiling. Sasayaw.

Magri-react ang mga pulis pangkalawakan. Magagalit si Pedro Penduko habang magtatawanan naman ang pangkat ni Chelsea. Mapapaliyad sa gulat si Imong at mapapa-sign of the cross. Matitigilan si Miyo pati na ang mga Kung Fu Kids.

Ano kaya ang susunod na magaganap? Magtatagumpay kaya ang kinatatakutang si Chelsea? Eh si Zaido na nais ipailalim si Miyo sa kanilang konseho? Ano na lang ang kapalarang naghihintay sa ating bida at sa kanyang kapatiran?

Abangan ang susunod na kabanata ng kanyang pakikipagsapalaran dito lamang sa http://kibitzer.blogdrive.com